樓市踏入寒冬，但部分中小型行奉行「有危亦有機」理念，趁機調整兵力搞突圍；其中扎根沙田世紀21奇豐亦有動作；劉Sir收到風，話呢間行已接管奧運站一間細行，實行殺出新界；另外首域置業亦透露，正傾緊聘用京士活（集團）地產西九龍分行前員工幫手，隨時進軍西九四小龍，在九龍站及奧運站擴充。
市場盛傳向來活躍沙田區世紀21奇豐，已經收購奧運站一間剛結業細行，打算擴大版圖。
不過，世紀21奇豐主席及行政總裁李峻銘同劉Sir講，奧運站時富物業係易名為「家天下」，而佢只係擔任後勤顧問，即係幕後幫手，順手了解該區市場，不排除隨時打入奧運站，不過佢又補充一句，話依家仲請緊人。
世紀21奇豐購細行擴充
對於近排市況，佢話依家係業界「汰弱留強」時間，旗下員工部分亦會自然流失，但對公司講，亦係找尋機會好時機。
至於上個禮拜停業京士活，呢排有唔少人爭，其中港島豪宅區、九龍站及奧運站有8間分行首域置業，表明對京士活西九龍員工有興趣，間行營業董事劉增輝話，由於京士活主要集中大圍及沙田發展，同本身分店選址策略有別，故未有考慮收購，但就有意駐兵西九龍，故已洽談聘用京士活西九龍員工。
佢又話，樓市「有危亦有機」，正以聯營及收購細行形式，在九龍站及奧運站擴充，除目前兩間自置舖外，正物色新舖位購入。
另外，亦有大型代理行逆市未有「縮皮」，中原麥成輝話，該行沙田及馬鞍山區首九個月佣金收入達約1.38億元，已超過去年，預計去到年底更可多至少兩成。
未來區內再有多個新盤推出，為迎合新挑戰，早前以逾25萬元租入沙田中心面積約400方呎龍頭舖，呎租約700元，較舊租約加租約1.5倍，該舖亦會考慮再增加人手。  
B08| 財經| 樓市出更| By 劉Sir